Derivonza
Ils Cavegns da Tujetsch ein derivonts da Dardin. Cuort avon 1790 arriva Cristian Luregn Lucas Caveing (1769–1840) a Rueras e marida ina feglia ord la beinstonza tuatschina, la Maria Margrita Beer (1766–1842) da gerau Tumaisch Giusep Antoni Beer-a Castelberg(1735–1782). Ton che Cristian Luregn Caveing daventa il bab dalla lingia « Cavegniana » en Tujetsch. La scripziun dil num Cavegn sesviluppescha atras ils tschentaners, entschavend cun Caveing, Caveign, Caveng, alla scripziun ufficiala e derasada dad oz Cavegn.

UoCavegn

Igl uoppen dils Cavegns, el scut in ner, ei ferm ligiaus culla activitad principala da quella schlatta, numnadamein il hanletg. Els possedan in bien spért per l'economia.

Ils Cavegns tuatschins promovan il hanletg sco marcadonts ed era igl encurir cristallas ella val, plinavon ein els activs el promover il turissem cun ereger pliras casas d'albiert. Digl emprem affon, igl assistent Gion Antoni (1790–1837) deriva la lingia d'ustiers ed ustieras ed ils capocavacristallas. Il Giachen Fidel Maria Cavegn, il giuven dalla famiglia da Rest Luregn, veva fatg sensaziun cun l'anflada digl emprem Milarit en Val Giuv.

pdfIn tschancun historia dils Cavegns dalla Cruna ha Battesta Soliva nudau.

pdfSurvesta dils Cavegns naschi e morts en Tujetsch.

 

 

» Tarcisi Hendry

 Mias paginas da Tujetsch

» Genealogia
» Historia
» Forum cultural
» Archiv communal
» Vic Hendry

Genealogia ei la historia dalla descendenza d'ina famiglia. Magari vegn era detg il tschep da famiglia.
Contact
Tarcisi Hendry
Via Alpsu 64A 
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!  
genea-back-02.jpg